【有感】01新聞 – 歲半兒行山照瘋傳 另類爸媽帶囝囝親親大自然 行山露營代學前班

well, 01報道出左後8卦下其他人點諗
發現好多留言都係圍繞住:
N班PG都可以學到野可以剌激發展
“band 5″&成績
小孩行山露營都是被父母迫去

其實本身文章+我跟肥爸既育兒概念都係想講出小肥家係會身體力行帶小肥去呢到果到玩, 想佢有一個開心快樂既童年咋wo! 點解會有咁多支線出黎架哈哈。

既然有人提起咁我都講下我意見啦~

N班PG都可以學到野可以剌激發展
對好多在職家長黎講番N上PG係好過工人帶>>是的我明白, 因為我地都係在職家長, 只有放假先有時間同小肥出去遊玩, 所以我地更加珍惜時間同玩既質素。之但係我認識既某部分父母就係因為孩子平日已經上過PG, 覺得佢吸收既野夠晒, 所以決定放假日子留家中休息, 或者, 訓到中午12點, 下晝先帶孩子去商場行下食下野。唔好意思我自己實在太在意同我仔成長, 佢既成長只有一次, 我地唔希望miss左同小肥相處既時間。
我唔否認N班PG帶俾小朋友既進步同認知, 但係對我地黎講係<有冇需要上>既問題。一講唔上N班PG就成班怪獸噴晒火話老師課程好專業。專業又點呀? 咪就係專業地教小朋友玩XD, 專業地變成父母理想中既小朋友囉!  都唔緊要, 有得玩都好過上面試班上英文班.>> 連講野都未識呀=.= 攪得出呢D課程果個究竟諗緊咩?

“band 5″&成績
鬼唔知而家冇band 5咩! 意思只係想講成績唔重要, 最緊要對得住自己。嗱, 唔好用成績黎挑戰小肥媽我, 我中學時係讀band 1英中既, 係真係睇唔起香港教育制度先出聲問我媽"而家我仲有冇機會去外國讀書"好好彩係有既, 而且唔需要俾好貴學費, 代價係我要babysit外國家中小朋友, 算叫做半工讀咁啦, 所以我地亦唔係有錢。講番成績差我知係香港會行得比較辛苦, 但係都唔代表咁細個小朋友就要俾你谷呢樣果樣又操卷又補習, 你知唔知2015新學年開始後有幾多個學童自殺呀? 係超過40個呀, 40呀, 有好多仲係學校發生! 唔好同我講而家D學生受不住壓力俾人寵慣, 唔該睇下佢地而家D功課先講,唔詳細寫自己搵料啦! 吳克儉呢個人又係提起都想D7佢 (唔好意思講左句粗口)。 家長你有冇為你小朋友著想過? 我都想我仔將來成績好, 但我更想佢係快樂中成長。
至於話band 5話打人又入黑社會呢D真係回覆都費時, 重點不在這。

小孩行山露營都是被父母迫去

講得出呢句果個係咪傻架? 1.5歲可以點樣迫? 硬帶佢上山露營? BB好簡單, 佢唔想行自然會舉高雙手要抱抱, 點放佢落地佢對死人腳都會軟奶奶唔肯企, 你迫佢? 咪喊俾你睇直至滿足佢為止。如果真係迫去而佢又唔想玩唔想行, 咁最辛苦果個應該係父母囉! 唔好再扭曲正常生活喇大家!
*出呢個感想預左會有好多人唔認同, 但係實在要澄清我地觀點。
**小肥家同大部分人一樣都係貼地一家, 只不過我地會應駛得駛, 平時慳慳地咁架咋!

【帶著BB去露營】露營裝備

露營兩字經常聽到, 到底有什麼露營必備物品要準備?

曾經, 小肥媽年少時去過Outward Bound, 心想對露營都不會陌生, 怎料幾年前跟肥爸去更新一下露營物品才知道大部分營具都進化成iphone 20.0, 更輕更小體積更貴。不過露營物品大多是買了就用上357年, 所以都會在有限budget裡買最好的.


露營新手可以先從簡單開始。
**香港可以車camp的地方一隻手數得出, 建議營具愈輕便愈好。

【露營基本工具】

帳篷
帳篷寫2人營, 請務必當成是1人營; 如4人營=2-3人營。你的帳篷不會只放你自己, 你的露營袋, 其他工具, 食物等都有機會放入內(牛牛問題)。另外防水系數愈高愈好, 在郊野會突然落一場雨及溼氣重得連帳篷也會出水。營釘營繩一般都會跟帳篷一袋過, 請仔細檢查。
dscg1281

帳篷墊
用於帳篷下, 可避免早上濕氣過重令到帳篷冒水, 睡覺時寒冷。

睡袋
價錢一般是乎保暖程度,另可用衣服做枕頭。有些睡袋可以幾個連在一起, 比較適合一家大小。

地蓆
市面上由最簡單鍚紙墊>雞蛋仔>充氣墊。現在市場上提供家庭式的充氣墊 – 即雙人床墊, 可扣式床墊(幾張連一起)

爐具
主要用一支支Gas做原料, 最簡單可以用手提式Gas爐(打邊爐款), 亦可購買可摺式蜘蛛爐。可以的話帶上風擋。如果上高山扎營氣壓問題需要用上高山Gas。
dscg1141

Cookset
其實家不鏽鋼煲及煎PAN都可以帶出來用。市面上Cookset通常是一套買大概HK$300左右, 有煎PAN, 大小煲, 碗, 湯匙等. 杯餐具要另外買。請物使用即用即棄餐具,以免增加環境負擔。

照明工具
重要, 營地沒有燈什麼都看不到。現在很多燈都是用LED入電芯很耐用, 如想更有露營氣氛可用傳統入Gas營燈(黃燈) > 需要時要換燈芯燈網。另外可考慮頭燈。
*如孩子會經常走不停, 建議在他們身上裝頭燈於背部, 黑夜裡會比較容易發現他們行蹤。
dscg1291

折疊台椅
當去到沒有台椅設施的營地可以大派用場。收納體積小,除露營外亦可用於野餐釣魚。
img_6463

其他
萬用刀, 急救包, 環保洗潔精, 備用服裝, 鎚, 水袋, 垃圾袋, 火機

儲齊露營印花後,再評估自己是否真的喜歡露營, 再來考慮升級現有裝備。

【進階參考】

天幕/Fly
營地太曬太大風下雨天幕都幫到你,能夠在太陽底下開張床墊睡午覺是非常非常爽的。

充氣枕頭
面積其實非常少, 不過不平宜。

泵氣機, 冷氣/暖爐, 冰箱, 裝飾物, 濾水器

如有錯漏請指教。


以上純屬個人意見,僅供參考。
如有任何關於親子產品試用/合作,歡迎聯絡我: koenplanet@gmail.com

更多小肥趣事: