【MESSY PLAY】七彩塗鴉牆

img_3404很高興又來到messy play的大日子! 這個大人BB都可以一起參與的遊戲今次的主題是顏色! 地點是觀塘海濱花園。有媽媽很有心地製作了我們的Messy Play logo!

先來個顏色的故事分享: 每個BB都好專心坐定定聽故事, 果然色彩鮮艷的東西都是最吸睛的。
img_3257

 

事不宜遲, 父母們都要開工囉~ 準備顏色和工具, 幫孩子們穿上畫衣除鞋子, 當然不少得一幅大畫布 – 紙皮箱和布。

顏料都用膠紙固定, 以免BB們太過熱情。

開始塗鴉囉~
每個BB對顏料及工具的反應都大不同, 有的好專注於顏色 用手不停攪動顏料, 有的用畫掃畫畫畫。而小肥手拿著檸檬周圍走=.=

遊戲過程中還吸引了其他小朋友過來!
大概玩了30分鐘BB們都沒了專注力了哈哈。期待再下一次的活動~

是次Messy Play資料
地點: 觀塘海濱長廊
主題: 顏色
玩物: 布衫塗鴉 & 七彩紙箱
工具 :油掃, 布料, 樹葉, 檸檬, 氣球, 紙箱, 廢紙球


以上純屬個人意見,僅供參考。

如有任何關於親子產品試用/合作,歡迎聯絡我: koenplanet@gmail.com

更多小肥趣事:

袋裡玩具的迷思

準備出街街,叫小肥揀兩架車仔落袋出街玩,我出嚟見到個袋係咁:
15974844_1867169110182807_6751941597174247707_o

聽婆婆說之前有個故事, 話說有一天公公婆婆帶著小肥去飲茶, 如常地出街兩架跑車跟身。車放桌上時小肥看見對面桌的BB哥哥竟然有4架車!  令原本想拿起兩架跑車的小肥收起小手, 只遠遠望著BB哥哥在玩….

小朋友世界直接了當, 想要的就自然帶自己所需。最初當我看見這情景時真心覺得好好笑, 但細心一想其實我這個媽媽實在要欣賞他的直接和誠實, 純真的心我們大人早早就飛到不知裡去。

PS: 今次小肥除了帶跑車外, 還帶了巴士助陣!


以上純屬個人意見,僅供參考。
如有任何關於親子產品試用/合作,歡迎聯絡我: koenplanet@gmail.com

更多小肥趣事:

誰沒有當過白紙?


回想一年半前小肥剛出生, 上帝就派發第二張白紙給我去確定一個新的身份-媽媽。

究竟要在這張紙畫上什麼填那種顏色我毫無頭緒。
害怕嗎?  沒有半點。
緊張嗎?  心情平靜得很。
興奮嗎?  嗯, 很想在白紙上大展鴻圖, 不過後來很清楚知道發夢實在發得太早

由小肥出生的一刻起, 助產士將小小的BB放在我的身上, 然而我的焦點竟然落在那條又粗又扭紋的臍帶上, 天啊我沒有預料到臍帶可以這樣粗, 懷孕時將集中力都放在如何照顧BB的資訊上, 竟然忽略了自己身體構造。不要緊我總算見識過。

醫院推廣母乳, 希望媽媽們都盡量以母乳餵哺, 說時遲那時快, 仍在產床上的我就要嘗試親餵。 BB會自動追尋奶奶下落這個動作應該為母熟識, 想起第一次還是覺得感覺震撼。 金魚咀, 石頭胸, 奶泵, 乳線炎, 發燒, 兩公升水等等的詞語原來是個母乳Package。

初生嬰兒洗澡看似很簡單, 一盆水一條紗巾可以攪定。但事實是幫初生嬰兒洗澡還緊張過自己第一次游水。浴盆範圍總會像起壇作法一樣, 道具多不在話下, 連祭司都有兩三個(通常是媽媽爸爸+陪月)。好了以為BB慢慢大洗澡就可以愈來愈輕鬆? 錯了! 他們會開始覺得洗澡玩具乏味, 然後將浴盆附近的所有物品試用一次, 浴簾也不會放過。

BB打針應該是媽媽最心痛系列項目之一。第一次抱著小肥打針, 那小小的大脾被一枝還比他的腿長的針吉入的一剎, 看著就像是吉入我大脾一樣。突然小肥面紅紅打開喉嚨準備發出哭聲但沒有, 他應該是痛到出不到聲吧, 果然接著就是哭到崩潰。到後來幾次打針其實都習慣了, 但每次都要想方法減低他的反抗力, 究竟按著他的手腳還是用我身體壓著?

6個月加固期都是媽媽們的難題。食物不難, 因為來來去去都是粥蔬菜生果等, 要考慮的只是究竟用傳統Spoon feed 還是 BLW, 要買攪拌機還是整條菜芯上碟? 我們都是用spoon feed起家, 但慢慢發覺嬰兒其實學習能力超高, 根本是你放一條菜芯在面前, 他就會自動自覺拿起放咀裡妹的狀況。

BB愈來愈大理應媽媽都會愈來愈輕鬆, 是的, 但每天都要有心理準備面對孩子帶給你的新挑戰。
經過無數的 Trial & Error 這張白紙寫過又擦過滿佈育兒辛酸撞板事, 但同樣地, 紙上孩子成長的點滴和那種幸福的感覺亦會深深地種下。

誰沒有當過白紙?
每個媽寶都是獨一無二由自己畫出來的。撞板又有什麼可怕?


以上純屬個人意見,僅供參考。
如有任何關於親子產品試用/合作,歡迎聯絡我: koenplanet@gmail.com

更多小肥趣事:

【食譜】香蒜扇貝扁意粉

16113018_1869564993276552_2178345646987920617_o
好耐冇整新嘢食,今晚整個超簡單扁意粉俾小肥,好耐冇試過全部食晒💪🏻

香蒜扇貝扁意粉

材料:
蒜頭
乾蔥
扇貝粒
扁意粉

做法:
1. 先將扁意粉及瑤柱粒烚熟
2. 蒜頭乾蔥切碎加橄欖油炒熱
3. 加扁意粉炒勻即成

Ps. 後面雞翼食譜遲啲出唔好問我住😂


以上純屬個人意見,僅供參考。
如有任何關於親子產品試用/合作,歡迎聯絡我: koenplanet@gmail.com

更多小肥趣事:

【家庭露營樂】大網仔營地

img_3060
大網仔一號營地位於西貢西郊野公園近大網仔,車到門前易到達 (巴士要在烈士卑前),是全香港最近車路的營地。營地不大呈長條形, 樹木環抱兩邊狹窄草地/沙地都可扎營, 盡頭是涼亭。由於交通方便加上配套齊全, 假日營營相連滿到瀉。地形還可接受, 留意番如要起大營只有兩個有利位置。

大網仔適合新手家庭露營人士 。 有涼亭、燒烤爐、檯、櫈等設施 ,洗手間要上烈士卑公園的公共洗手間, 營地去洗手間約要走7分鐘路, 途中石屎路有部分裂開, 晚間要特別小心。

我們4組人於17年1月1日中午前往大網仔一號營地, 幸運地"跨年營友"一個接一個開始執拾細軟離開, 在等開營之時我們亦準備午餐~

火灸花糖麥提莎醬+火灸煙肉芝士多士

img_2974

等食中的小肥

起完營玩樂後眨眼就到晚上了。

img_9944

肥爸特意帶來韓燒爐弄個燒烤之夜。

完成晚餐還有手打湯圓!

img_7543

兩個BB玩得不亦樂乎

第二天早上起來兩小B精力充沛 (點解我仲咁眼訓?) 唯有找點玩樂給他們 – 拔營釘

 

img_3076

img_3099

總括大網仔營地易到方便多人假日常滿, 有野豬出沒, 要小心擺放食物。

大網仔一號營地


以上純屬個人意見,僅供參考。
如有任何關於親子產品試用/合作,歡迎聯絡我: koenplanet@gmail.com

更多小肥趣事:

 

【海景野餐睇日落】 數碼港海濱長廊

img_2442
雖然現在香港天氣時冷時熱, 但都不失為一個野餐好季節: 草地不會濕漉漉, 蚊蟲少, 有陽光照射下影相特別美!

數碼港海濱公園(Cyberport Waterfront Park)位於香港島南區西面薄扶林貝沙灣前。
img_2286

數碼港除了出名Palace看戲有無敵頭等梳化外, 臨海還有一大片可供大眾及竉物遊玩的草地。環境優美地方非常大, 就算周末假日人流多也能找到地方落腳野餐, 不少人特登前來放狗、散步、放風箏、踩單車, 也是看日落的好地方。不少人還會到海濱公園影Pre-Wedding及Cos-Play!

img_2309
fotorcreated

附近有艾美酒店及數碼廣場,購物消閒醫肚都有, 是一個親子及情侶拍拖的休閒好去處。

數碼港交通


更多小肥趣事:

以上純屬個人意見,僅供參考。
如有任何關於親子產品試用/合作,歡迎聯絡我: koenplanet@gmail.com

【派對場地】K-Square Party

又到年頭年尾放假開Party時間, 小肥去年12月去了5場大大小小的Party。 分享其中有一個專門開BB派對的地方。

img_7302

K-Square Party 位於荔枝角青山道的一橦工廠大廈裡, 場地乾淨整潔玩具設施很多: 有波波池連滑梯, 大粒車仔, 遊戲軟墊積木等等。

img_7308

另外亦有桌球台, 大電視可唱K, 戶外BBQ場地。

img_7303

今次約埋一班同年同月的BB一齊開聖誕PARTY, 小肥初時對太多人的氣氛都會比較冇咁豪放, 點知一見到車仔就即刻衝過去坐低扭呔盤唔理我同肥爸…

img_7369

**眼見有2架小朋友車仔會突然間甩轆, 家長宜先檢查再給小朋友玩,

img_7360

坐車伸手伸頭出窗好危險, 大家唔好學佢

這裡一個價錢(~$150@)會包食物及有限飲品, 不過份量相當少, 上來開PARTY前要打個底食左野先。
洗手間得一個,多人要等等。

總括這裡性價比一般, $150可以有好多選擇, 但地方算方便。


更多小肥趣事:

小肥子星球 Facebook Page
小肥子星球 Instagram
小肥媽個人網誌
Mamibuy 駐站部落客
she.com blogger
SundayKiss Blogger

以上純屬個人意見,僅供參考。
如有任何關於親子產品試用/合作,歡迎聯絡我: koenplanet@gmail.com

 

 

【幸福母乳之路】攝影分享.小步危

15676275_1855997334633318_8475954594358019019_o
【幸福母乳之路】

有美景襯托, 餵奶更覺幸福

@日本.四國.德島.小步危


以上純屬個人意見,僅供參考。
如有任何關於親子產品試用/合作,歡迎聯絡我: koenplanet@gmail.com

更多小肥趣事:

 

【有感】01新聞 – 歲半兒行山照瘋傳 另類爸媽帶囝囝親親大自然 行山露營代學前班

well, 01報道出左後8卦下其他人點諗
發現好多留言都係圍繞住:
N班PG都可以學到野可以剌激發展
“band 5″&成績
小孩行山露營都是被父母迫去

其實本身文章+我跟肥爸既育兒概念都係想講出小肥家係會身體力行帶小肥去呢到果到玩, 想佢有一個開心快樂既童年咋wo! 點解會有咁多支線出黎架哈哈。

既然有人提起咁我都講下我意見啦~

N班PG都可以學到野可以剌激發展
對好多在職家長黎講番N上PG係好過工人帶>>是的我明白, 因為我地都係在職家長, 只有放假先有時間同小肥出去遊玩, 所以我地更加珍惜時間同玩既質素。之但係我認識既某部分父母就係因為孩子平日已經上過PG, 覺得佢吸收既野夠晒, 所以決定放假日子留家中休息, 或者, 訓到中午12點, 下晝先帶孩子去商場行下食下野。唔好意思我自己實在太在意同我仔成長, 佢既成長只有一次, 我地唔希望miss左同小肥相處既時間。
我唔否認N班PG帶俾小朋友既進步同認知, 但係對我地黎講係<有冇需要上>既問題。一講唔上N班PG就成班怪獸噴晒火話老師課程好專業。專業又點呀? 咪就係專業地教小朋友玩XD, 專業地變成父母理想中既小朋友囉!  都唔緊要, 有得玩都好過上面試班上英文班.>> 連講野都未識呀=.= 攪得出呢D課程果個究竟諗緊咩?

“band 5″&成績
鬼唔知而家冇band 5咩! 意思只係想講成績唔重要, 最緊要對得住自己。嗱, 唔好用成績黎挑戰小肥媽我, 我中學時係讀band 1英中既, 係真係睇唔起香港教育制度先出聲問我媽"而家我仲有冇機會去外國讀書"好好彩係有既, 而且唔需要俾好貴學費, 代價係我要babysit外國家中小朋友, 算叫做半工讀咁啦, 所以我地亦唔係有錢。講番成績差我知係香港會行得比較辛苦, 但係都唔代表咁細個小朋友就要俾你谷呢樣果樣又操卷又補習, 你知唔知2015新學年開始後有幾多個學童自殺呀? 係超過40個呀, 40呀, 有好多仲係學校發生! 唔好同我講而家D學生受不住壓力俾人寵慣, 唔該睇下佢地而家D功課先講,唔詳細寫自己搵料啦! 吳克儉呢個人又係提起都想D7佢 (唔好意思講左句粗口)。 家長你有冇為你小朋友著想過? 我都想我仔將來成績好, 但我更想佢係快樂中成長。
至於話band 5話打人又入黑社會呢D真係回覆都費時, 重點不在這。

小孩行山露營都是被父母迫去

講得出呢句果個係咪傻架? 1.5歲可以點樣迫? 硬帶佢上山露營? BB好簡單, 佢唔想行自然會舉高雙手要抱抱, 點放佢落地佢對死人腳都會軟奶奶唔肯企, 你迫佢? 咪喊俾你睇直至滿足佢為止。如果真係迫去而佢又唔想玩唔想行, 咁最辛苦果個應該係父母囉! 唔好再扭曲正常生活喇大家!
*出呢個感想預左會有好多人唔認同, 但係實在要澄清我地觀點。
**小肥家同大部分人一樣都係貼地一家, 只不過我地會應駛得駛, 平時慳慳地咁架咋!