【半歲台北體驗】九份 x 平溪線

出門要帶既野(6M未加固): 

1) 尿片x5
2) 濕紙巾
3) 換片墊
4) bu
5) 波地撈唇
6) 沙巾 x 3
7) 後備衫x2
 
由於全日都要上上落落車, 所以決定唔出BB車直接孭上身,小肥媽孭小肥,肥爸就攪點晒相機同小肥物品。1月中氣溫15度左右, 小肥身穿一件長袖甲那衣+一件厚外衣已經好夠。


去九份有2種方法
:

 

1) 坐火車到瑞芳再轉公車
2) 係捷運忠孝復興站搭1062號客運去九份,車程約2小時
九份主要影相同食野基本上係跟團必到既旅遊區亦有人選擇係到租一兩晚民宿感受下冷冷細雨既氣氛。以前黎過九份多次隔左幾年呢到都冇乜點變不過今次帶埋小肥黎旅行係另一番風味

 

完左九份行程就直落瑞芳車站轉搭平溪線  – 猴硐、十分、平溪、菁桐。
因為hea遊關係成個行程都係隨意行見某個車站冇乜人就落車睇下有咩發現
*
猴硐貓村其實貓貓係俾人擺上台做招牌 眼見貓村好多貓都係瘦猛猛而且有D仲有傷風好淒涼。反而我地最欣賞係行入D有條河果到影相一流。可能係俾人孭住行既關係肥仔一路都好好訓..

 

以上純屬個人意見,僅供參考。
如有任何關於親子產品試用/合作,歡迎聯絡我: koenplanet@gmail.com

【半歲台北體驗】BB用品清單

 

【BB用品清單
基本旅行用清單見圖

 

小肥子係人奶B, 加上去台北時才剛6個月未加固, 出門旅行淨飲人奶確實好方便。衫褲片由於我地今次係去台北, 就算用晒都可以係當地買(帶少左唔係問題)。幾晚住同一酒店所以今次帶埋尿布酒店訓覺用, 濕左布可以係酒店洗+掠, 4日慳左6塊片。
 
 

【半歲台北體驗】帶埋BB車去旅行

 

題外話: 香港機場設有免費BB車,入到機場就見到唔需要登記。


如果要帶埋BB既專用坐駕去旅行有兩個方法:

 

1) check-in櫃位當行李寄埋入倉,落機係行李帶到拎
2) check-in時話俾地勤知你要gate check , 推到去登機閘,由航空公司職員幫你收係乘客倉,到達目的地落機係登機閘俾番你。
 

由於小肥架車比較大型同重, 我地最後決定gate check。當日係check-in櫃位同地勤人員講我會推到去登機閘先收車,然後職員會係架車仔到貼張貼紙以作識別。到左登機閘,航空公司職員會好醒目咁自己走過黎同你一齊打包架車(佢會有個好大既膠袋俾你笠住車仔),然後就搵人拎架車入飛機喇回程同一做法

 

PS: 國泰係回程時整爛左肥仔坐駕,最後原單賠償。不過攪左個半月先完左件事。
> Mamibuy 駐站部落客: https://www.mamibuy.com.hk/home/2156

【半歲台北體驗】BB搭飛機注意事項

 
 
關於BB去旅行問題
好多人會問可唔可以咁細個就搭飛機? 真係老實講係睇你handhandle到你個B (認真架~!)  因為飛上天後氣壓會令BB耳仔唔舒服然後喊到豬頭,俾其他乘客眼超超都幾冇癮。
【訂機票
 
–  兩歲以下小孩而不佔座位會計infant 機票價錢
 
– 手抱BB機票價錢一般係收正價機票十分一  (按個別公司而定)
 
– 訂機票時要註明你會有一個"infant"  (初生BB),航空公司會按你需要安排Baby bassinetBaby food 俾你。
– 記住一定要係出發前一天打去航空公司確定一切妥當,到櫃檯check-in時都要順面問下counter係咪已經offerBB用品俾你。
【上機
– 帶住BB可以優先上機,所以盡量都唔好到最後一分鐘先出現登機。
 – 有infant通常會被安排坐係第一排座位,即係前面好闊落既向牆位。
– 起飛前空姐會提供BB安全帶俾你扣住係自己既安全帶上面。
–  當飛機穩定後空姐會開個BB籃(Baby bassinet)出黎俾你放BB入去, Baby Food同尿片都會提供。
 
– 飛機洗手間係設有BB換片板,空間有限,大隻D既爸爸有機會要打開個門換片。
– 降落前要收埋個BB籃,你要手抱番BB同扣安全帶準備降落。
 
【解決BB氣壓問題
 
如果你係母乳媽媽,恭喜你! 差唔多起飛你就可以開始餵奶分省下BB注意力。但係要注意,飛機椅好窄加上BB安全帶同你條安全帶係扣住的,蓋住條餵奶巾又要打橫俾B食奶係有相當既難度。不過呢個係最快令BB訓著同止喊既方法。
如果唔飲母乳,可以沖定枝奶或飲水或準備零食,等BB個口咬下咬下都可以舒緩耳仔不適。等佢訓左就可以放番去BB籃做你想做既野喇
題外話,BBsize比較適合6個月或以下baby訓。高大既BB要變做蝦米先訓到。
祝你有個愉快旅程~
> Mamibuy 駐站部落客: https://www.mamibuy.com.hk/home/2156